AGTERGROND
Die Porterville Christusfees is 'n gemeenskapsfees met 'n verskil. 'n Fees om te wys dis lekker om 'n Christen te wees en lekker om dinge saam te doen. Ons gaan vir 'n hele naweek lank na goeie musiek uit die boonste rakke luister, saam kuier tussen dosyne kos- en ander stalletjies, gesels en sommer net die lewe op 'n sober en verantwoordelike manier geniet.

DATUM EN TERREIN
Vanjaar is die vierde jaar wat die fees aangebied word. Die datums is Vrydag 8 Oktober tot Sondag 10 Oktober 2010 op die gronde van die Hoërskool Porterville. Sien terreinkaart vir feesuitleg.

ORGANISEERDERS
Die fees word aangebied onder die beskerming van die NG Kerk Porterville terwyl die organiseerders verskillende groepe binne die plaaslike gemeenskap verteenwoordig.

ALGEMENE NAVRAE
Willie Opperman
Sel: 083 650 1640
Faks: 022 931 3920
Epos: willie.o@agrizone.co.za

OMVANG VAN FEES
Die fees bied drie dae van topgehalte musiek (sien Program), talle kos- en droë stalletjies (sien Stalletjies), 'n karavaankamp op die terrein asook talle ander gerieflike gastehuise (sien Verblyf).

En die bonus? Alles word aangebied in die wonderlike plattelandse rustigheid van Porterville, slegs 150 km noord van Kaapstad se middestad.

GESINSTENTE
Die organiseerders bied besighede en individue die unieke geleentheid om vir kliënte of vriende 'n privaat ruimte met voorkeur behandeling by die fees te bespreek. Deur 'n gesinstent by die fees te huur kan u gaste of vriende stylvol ontvang terwyl u saam die fees geniet. Lees meer

ONTBYT
'n Ontbyt word in samewerking met 'n gaskunstenaar Saterdagoggend aangebied. Vir meer inligting kontak Anita Odendaal (022 931 2675) of Stoffel du Plessis (083 640 3046).